បុគ្គលដែលមានប្រភេទរោគសញ្ញាទាំងនេះ មិនអាចចាក់វ៉ាក់សាំងកូវីដ-១៩ បាននោះទេ

នៅថ្ងៃទី ០៦ ខែកុម្ភះ ឆ្នាំ២០២១ នេះ រដ្ឋលេខាធិកា និងជាអ្នក​នាំពាក្យរបស់ក្រសួងសុខាភិបាល​នៃព្រះរាជា​ណា​ចក្រ​កម្ពុជា​​ វេ​ជ្ជ​ប​ណ្ឌិ​ត ​ឱ វណ្ណឌីន បានចេញជាសារសំឡេងដែលបានផ្ដល់ព័ត៌មានអំពីប្រភេទជំងឺ ឬរោគសញ្ញារបស់បុគ្គល ដែល​មិនអាចចាក់វ៉ាក់​សាំ​ង​កូវីដ១៩នេះបានទេ។

ក្នុងនោះដែរ តាមរយៈសារសំឡេងនេះ វេជ្ជបណ្ឌិត ឱ វណ្ណឌីន បានរៀបរាប់​បញ្ជាក់ពីរោគសញ្ញា​ដែលហាមមិនឲ្យចាក់​វ៉ាក់​សាំង​នេះ​យ៉ា​ង​ដូចច្នេះថា៖

ទី១. មានប្រតិកម្មជាមួយនឹងសារធាតុក្នុងវ៉ាក់សាំង មានន័យថាបុគ្គលនោះមានអាឡែកហ្ស៊ីត្រូវតែប្រុងប្រយ័ត្ន និងអ្នក​ដែល​​ធ្លា​ប់​មា​ន​ប្រវត្តិប្រតិកម្មជាមួយនឹងវ៉ាក់សាំងផ្សេងៗ សូមជម្រាបទៅដល់គ្រូពេទ្យភ្លាមដើម្បីកុំឲ្យមានបញ្ហា។ ហើយ​មួយ​ទៀត អ្នកដែលមាន​ប​ញ្ហា​​ផ្លូវដង្ហើម ពិបាកដកដង្ហើម ឬក៏មានការហើម រលាកសរសៃ​ឈាមក៏មិនអាច​ចាក់បាន​ដែរ​ ហើយអ្នកដែលកំពុងតែចេញ​ជា​ប្រ​ទាល​តអាកក៏មិនអាចចាក់បានដែរ។

ទី២. អ្នកដែលកំពុងតែទទួលការឈឺចាប់ពីជំងឺតន់ហន់ណាមួយ ជាពិសេសជំងឺរាំរៃធ្ងន់ធ្ងរ។

ទី៣. ស្រ្តីមានផ្ទៃពោះ និងស្រ្តីក្នុងរយៈពេលបំបៅដោះ ឬស្រ្តីមានផែនការពពោះក្នុងរយៈពលបីរខែ ក៏មិនអាច​ចាក់​បាន​ដែរ​។

ទី៤. អ្នកមានជំងឺប្រកាច់កន្រ្តាក់ មានជំងឺឆ្កួតជ្រូក ស្កន់ ឬមានជំងឺប្រសៃប្រសាទ ឬជំងឺរលាកស្រោមខួរ ឬមានជំងឺតំ​ណ​ពូជ​ ហើ​យ​អ្នក​មានជំងឺស្កន់ដែលមិនអាចគ្រប់គ្រងបាន មានបញ្ហាប្រព័ន្ធប្រសៃប្រសាទ។

ទី៥. អ្នកដែលពិនិត្យឃើញមានកង្វះភាពស៊ាំពីកំណើត មានន័យថាគាត់ខ្សោយក៏មិនអាចចាក់បានដែរ អ្នកឆ្លងហឺត អ្នកមាន​ម​ហា​រីក​កូនកណ្ដុរ មានជំងឺឈាមស ឬមានជំងឺភាពស៊ាំ។

ទី៦. អ្នកដែលសង្ស័យថាមានជំងឺប្រព័ន្ធដង្ហើមធ្ងន់ធ្ងរ អ្នកមានជំងឺបញ្ហាបេះដូងសរសៃឈាមធ្ងន់ធ្ងរ ជំងឺថ្លើមធ្ងន់ធ្ងរ ជំងឺ​តម្រង​នោម និងជំងឺដុះដុំសាច់មហារីកធ្ងន់ធ្ងរ។

ទី៧. អ្នកដែលប្រើប្រាស់ថ្នាំសម្រួលភាពស៊ាំប្រឆាំងនឹងជំងឺមហារីកដុំសាច់ អ្នកដែលកំពុងព្យាបាលមហារីក គឺមិន​គួរ​ចាក់​ទេ​។

ទី៨. មានប្រវត្តិឆ្លងជំងឺកូវីដ១៩ មានន័យថា អ្នកដែលកើតជំងឺកូវីដ១៩ហើយមិនអាចចាក់បានទេ និងអ្នកដែលបាន​ពិនិត្យ​ក្នុង​ខ្លួ​ន​មាន​ភាពស៊ាំរួចហើយ ដែលចាំបាច់ចាក់វ៉ាក់សាំងនេះទៀត។

ទី៩. អ្នកដែលត្រូវបានគ្រូពេទ្យព្យាបាល ឬបុគ្គលិកផ្ដល់វ៉ាក់សាំងបញ្ជាក់ថាមិនគួរចាក់វ៉ាក់សាំង៕

Leave a Reply

Your email address will not be published. Required fields are marked *

Share via
Copy link
Powered by Social Snap